Вокал-музыка аспабының сүйемелдеуімен немесе сүйемелдеуінсіз жеке әншіге, хорға арналып жазылған музыкалық шығармалар. Вокалдық музыкаға халық әндері, жырлары, классиктері мен қазіргі композиторларының ән-хорлары жатады. Вокалдық музыка, негізінде, халық арасынан шыққан Біржан Сал, Мұхит, Ақан сері, Жаяу Мұсаның әндері кепіл.
Үйірменің мақсаты: Үйірме қатысушылары өнерлерін шыңдау арқылы тек ән айтуға ғана емес, сондай-ақ кәсіби сахналық мәдениетке үйрету.
Үйірменің міндеті:
- ән айту ережелерін үйрету, музыканы тыңдау, есту қабілеттерін қалыптастыру;
- әнді таза, мәнерлі, әсерлі орындауға үйрету;
- музыканың мазмұны мен сөзін түсіне білуге үйрету;
- музыка мен сөз аралығындағы бірлікті сезіну;
- шығарма мазмұнын түсініп, ажырата біліп, қызығушылықпен орындай білуге үйрету;
- музыкадағы дыбыс жоғарылығын, ырғақ мәнерін түсініп, ажырата білу;
- дауыстың табиғи таза шығуына, әнді мәнерлі орындау шеберлігін дамыту, екі дауыста орындауға үйрету;
- музыкалық сауаты, эстетикалық және рухани ой-өрісі дамыған, музыка өнерінің адам өміріндегі мәнін жете түсіне алатын ұрпақ тәрбиелеу.
Үйірме жетекшісі: Аманкелдиев Е.А.
